QËLLIMI:
OBJEKTIVAT E PËRGJITHSHËM TË TRAJNIMIT:
Në fund të trajnimit pjesëmarrësit do të jenë të aftë:
1. Të shpjegojnë tendencat e zhvillimeve të inspektimit/vlerësimit dhe të sigurimit të
cilësisë në shkolla e vendeve evropiane, lidhur me kurrikulën e zbatuar
2. Të shpjegojnë legjislacionin e Kosovës për inspektimin në arsim
3. Të shkruajnë instrumente kontrolli/chek lists për vëzhgimin dhe vlerësimin e
treguesve të kurrikulës së zbatuar në shkolla të arsimit bazë, të arsimit të mesëm, të
përgjithshëm dhe atij profesional
4. Të japin gjykime për vlerësimin e zbatimit të kurrikulës në institucionet arsimore
5. Të japin gjykime dhe vlerësime për manualin e inspektimit dhe instrumentet e
planifikimit, të zbatimit dhe të raportimit të inspektimeve në institucioneve arsimore
6. Të analizojnë instrumentet e vlerësimit të treguesve të kurrikulës së zbatuar në
institucionet arsimore
7. Të krijojnë aftësi të të menduarit kritik për proceset e planifikimit, zbatimit dhe
raportimit të inspektimit
8. Të demonstrojnë sjellje etike dhe integritet lidhur me bashkëpunimin me burimet
njerëzore dhe institucionet arsimore para, gjatë dhe pas inspektimit
METODOLOGJIA:
Filozofia dhe praktika e metodologjisë së trajnimit bazohet tek ndërveprimi aktiv, pedagogjik,
ku i rrituri është në qendër të të nxënit. Zbatohen metoda, teknika dhe strategji të larmishme
që burojnë dhe kanë në thelb ndërveprimin, ku midis tyre veçojmë: Prezantime, diskutime,
debate, punë e drejtpërdrejtë, individuale, punë në ekipe, vlerësim, diskutime, përdorim të
TIK-ut dhe softwareve, analiza për përdorimin e tyre në procesin e komunikimit si dhe
feedback. Trajnimet shoqërohen me paratestime përpara fillimit të trajnimit dhe pastestim,
kur përfundon trajnimi, me qëllim parësor përmirësimin e vijueshëm dhe formimin sa më të
mirë të të trajnuarit.
MJETET DHE LITERATURA E DOMOSDOSHME:
Ligji i Arsimit Parauniversitar të Kosovës, Ligji për Inspektimin e Arsimit në Kosovë, Korniza
Kurrikulare e Arsimit Parauniversitar, Programe lëndore, Formulari për njoftim për
inspektim të institucionit arsimor; Instrumenti standard i zhvilluar për vlerësimin e
performancës së mësimdhënësve për procesin e licencimit; Korniza për vlerësim me fusha të
përcaktuara të cilësisë së shkollës; Manuali operacional; Formulari i raportimit; Formulari i
vendimit;
Material teorik i modulit i fotokopjuar, prezantime në ppt version, program trajnimi, fisha
pune, fletë pune me situata rasti, figura, markera, fletë të mëdha të bardha, fletë formati,
blloqe, stilolapsa, ngjitës, fletët e vlerësimit nga ana e pjesëmarresve të trajnimit të ofruar,
bllok shënimesh.
Një grup trajnimi nuk do të jetë më shumë se 20-25 veta.
Në fund të trajnimit pjesëmarrësit do të paisen me certifikata të pjesmarrjes.
